O director do centro, Bieito Pérez Outeriño, explicou toda a traxectoria percorrida polo MDPS ata chegar a consecución desta nova sede, e fixo unha visita ilustrativa na que falou tanto das áreas temáticas do museo como do propio discurso museolóxico, así como das pezas mais salientables, facendo fincapé naquelas que ata o de agora non puideron ser expostas pola falta de espazo.

O ministro de Educación, Cultura y Deporte, Íñigo Méndez de Vigo, afirmou ao remate da súa visita que este centro constitúe «A culminación dun soño» tres décadas despois de que o Camiño fose distinguido como primeiro itinerario cultural europeo.