DÍA DO MUSEO: CONCERTO PÈLERINAGE. 1726

Venres 6 de novembro [19h00]

Concerto: Pèlerinage. 1726
A viaxe de Guillaume Manier a Compostela

Fernando Reyes (tiorba).
Mercedes Hernández (soprano)

O concerto achega un novo inquilino ao MPDS: o xastre picardo Guillaume Manier. Os asistentes achegaranse ao seu relato, do ano 1726,  da man da tiorba, o instrumento da Francia do barroco e dalgúns "instrumentos" máis. Pezas evocadoras e descritivas seguirán o itinerario da viaxe escrito polo mesmo peregrino, que seguiu a Gran Canción de Santiago, a mesma que guiara a milleiros de peregrinos e peregrinas de fala francesa polo Camiño de Santiago dende tempos remotos ata os inicios do século XX.

Este concerto forma parte do Plan de reactivación nos sectores turístico e cultural da Consellería de Cultura e Turismo fronte aos efectos da COVID-19 para a creación do Fondo de Proxectos Culturais Xacobeo 21.
 

Normativa para a realización de actividades no MDPS 2020:

Reservas:

• Aforo limitado a 30 persoas. É estritamente necesario realizar reserva previa en  reservas.mdperegrinacions [at] xunta.es
• As prazas asignaranse por estrito orde de chegada dos correos.
• Cada persoa pode reservar un máximo de catro entradas por correo.
• No momento da túa reserva debes proporcionar os datos de contacto como nome, apelidos, DNI e teléfono de contacto.
• Só poderán acceder ás actividades as persoas con confirmación de reserva por parte do Museo.
• A data límite para a reserva do concerto será o venres 6 de novembro ás 13h00

A celebración da actividade permanece condicionada pola normativa sanitaria que estea vixente no momento da celebración desta.

O uso da máscara é obrigatorio en todo momento así como a desinfección de mans con xel hidroalcohólico antes de entrar ao recinto.

Podes consultar o protocolo de entrada ao Museo en https://vimeo.com/437810235

Moitas grazas polo voso interese e comprensión!

Normativa:

ORDE do 21 de outubro de 2020 do DOG nº 212 - Bis pola que se establecen medidas de prevención específicas como consecuencia da evolución da situación epidemiolóxica derivada do COVID-19 na Comunidade Autónoma de Galicia.

ORDE do 30 de outubro de 2020 pola que se establecen determinadas medidas de prevención como consecuencia da evolución da situación epidemiolóxica derivada do COVID-19 nos concellos de Santiago de Compostela, Ames e Teo.

[Última actualización martes 3 de novembro de 2020]