A aplicación APP do Museo das Peregrinacións e de Santiago é unha ferramenta que facilita a visita pola exposición, coa que se dá a coñecer en profundidade o fenómeno da peregrinación e a historia da cidade. Ofrece tamén información sobre as exposicións temporais actuais no momento da súa visita.
O seu motor de xeolocalización determina en que punto está o visitante dentro da sala, amosando información das obras expostas ou os puntos de interese máis próximos. Ten a posibilidade de realizar diversas rutas temáticas ou unha visita rápida en caso de que dispoña de pouco tempo.
O usuario ou usuaria que o precise ten á súa disposición a opción de facer a visita coa modalidade de linguaxe de signos.
Ofrécese, igualmente, un amplo servizo de contidos adicionais con audiovisuais, material extra, fichas de catalogación, etc.
Ten a súa disposición información práctica, como a ruta para chegar aos ascensores, aseos e á saída de emerxencia.
Para realizar unha visita multimedia debes descargar no teu teléfono a seguinte aplicación.