HORARIO
LOCALIZACIÓNDe Martes a Venres
09.30 - 20.30 h
Sábados
11 - 19.30 h
Domingos e Festivos
10.15 - 14.45 h
Pechado
Todos os luns do ano
1 e 6 de xaneiro
1 de maio
24, 25 e 31 de decembro
Praza das Praterías, 2.
15704 Santiago de Compostela
Durante os meses de setembro a novembro o MDPS pon en marcha a sétima edición do programa Museo en Familia. Unha programación diversa e integradora que busca converter o museo nun espazo de encontro cultural destinado a todos os públicos, con especial atención aos nenos e nenas e á súa contorna familiar.
Estas actividades forman parte do Plan Corresponsables, cuxo obxectivo é contribuír á conciliación familiar e á igualdade efectiva entre homes e mulleres. Esta actividade está impulsada pola Consellería de Cultura, Lingua e Xuventude en colaboración coa Dirección Xeral de Promoción da Igualdade e da Consellería de Política Social e Igualdade, o programa Bibliotecas, Arquivos e Museos Corresponsables, no marco do Plan Corresponsables, financiado polo Ministerio de Igualdad (Gobierno de España).
Nesta edición de Museo en Familia volvemos contar coa colaboración da Fundación Andrea e a nova colaboración da Fundación Asanog, coas que se levarán a cabo diversos obradoiros no CHUS (Complexo Hospitalario Universitario de Santiago). Estas actividades estarán reservadas para os nenos e nenas alí ingresados e pechadas ao público en xeral. Do mesmo xeito, volvemos contar coa participación da FAXPG (Federación de Asociacións de Personas Xordas de Galicia ) pola que se contará cun intérprete de lingua de signos nos obradoiros sinalados.
O programa Museo en Familia busca abrir unha vía de comunicación, lúdica e didáctica, entre o museo e a cidadanía. As actividades están deseñadas para establecer unha conexión coas temáticas e os fondos artísticos do centro, o que nos permitirá achegar, e facer máis accesible, o patrimonio cultural do MDPS, tan próximo e, ás veces, tan descoñecido.
*Cumplimentar e enviar o formulario a reservas.mdperegrinacions [at] xunta.gal (reservas[dot]mdperegrinacions[at]xunta[dot]gal)
SETEMBRO
anínAchegádevos a construir con nós un xistro! O xistro é un antiquísimo instrumento de percusión de orixe africana que en Galicia empregamos para acompañar ao canto. Empregaremos madeira de pino e ferreñas tradicionais ou de material de refugallo.
Información en pictogramas CIMA / Allure
Lectura pública de diferentes parágrafos do Códice Calixtino.
Información en pictogramas CIMA / Allure
O kakelliku é unha ornamentación ritual xaponesa, que vai mudando nas catro estacións do ano. Realízase sempre en sentido vertical e con deseños relacionados coa natureza. Os elementos naturais presentes tradicionalmente nestes ornamentos curiosamente son moi próximos aos elementos naturais galegos: flores (camelia e hortensia), animais (vaca, can), alimentos (castaña, pexego).
Cadaquén poderá escoller a estación do ano, aprender a escribir o nome en xaponés deses elementos e deseñar o seu propio kakelliku.
Información pictograma CIMA / Allure
Lectura pública de diferentes parágrafos do Códice Calixtino.
Información pictograma CIMA / Allure
OUTUBRO
Achegamento á orixe do xogo medieval do «Alquerque de 3». Elaboración do taboleiro e das fichas. Realizaranse partidas entre as familias participantes.
Información pictograma CIMA / Allure
Lectura interrompida
17:15 – 19:30
Hospital Clínico de Santiago_CHUS
[Lectura pechada, non admite inscricións]
Fundación Andrea / Fundación Asanog
Lectura pública de diferentes parágrafos do Códice Calixtino.
Información pictograma CIMA / Allure
Coa obra de teatro «A Cabaleira», Medievándalos propón unha divertida actividade que fomenta a igualdade. Valentina é unha princesa destinada a ser a próxima raíña, pero para iso terá que buscar un cabaleiro que sexa rei... ou non? Non pode ela gobernar e guerrear igual que un home?
Información pictogramas CIMA / Allure
Lectura pública de diferentes parágrafos do Códice Calixtino.
Información pictograma CIMA / Allure
Durante esta actividade reconstruiremos cacharros de barro como se fosen quebracabezas en 3D.
Información pictograma CIMA / Allure
Lectura pública de diferentes parágrafos do Códice Calixtino
Información pictograma CIMA / Allure
Obradoiro baseado na manufactura e encadernación de libros. Durante a súa realización os participantes poderán facer pregos e preparar os cadernos para coser e decorar o caderno coa técnica do dourado.
Información pictograma CIMA / Allure
Lectura pública de diferentes parágrafos do Códice Calixtino.
Información pictograma CIMA / Allure
NOVEMBRO
Coa obra de teatro «A Cabaleira», Medievándalos propón unha divertida actividade que fomenta a igualdade. Valentina é una princesa destinada a ser a próxima raíña, pero para iso terá que buscar un cabaleiro que sexa rei... ou non?Non pode ela gobernar e guerrear igual que un home?
Información pictograma CIMA / Allure
Lectura pública de diferentes parágrafos do Códice Calixtino
Información pictograma CIMA / Allure
Moedas, cartos, diñeiros; denarios, maravedies, euros; bronces, ouros, billóns... Son conceptos que mudaron moito no tempo, pero que fan referencia a unha disciplina, a numismática.
Neste obradoiro visitaremos as diferentes coleccións de moedas expostas no museo (tesouriños, achádegos arqueolóxicos...). Veremos como foron evolucionando no tempo as moedas e remataremos elaborando as nosas propias acuñacións na ceca do MdPS.
Información pictograma CIMA / Allure
Lectura pública de diferentes parágrafos do Códice Calixtino.
Información pictograma CIMA / Allure
Durante esta actividade reconstruiremos cacharros de barro como se fosen quebracabezas en 3D.
Información pictograma CIMA / Allure
Lectura pública de diferentes parágrafos do Códice Calixtino
Información pictograma CIMA / Allure
Nesta actividade coñeceremos a evolución da indumentaria dos peregrinos e peregrinas ao longo da historia.
Información pictograma CIMA / Allure
Lectura pública de diferentes parágrafos do Códice Calixtino.
Información pictograma CIMA / Allure
Carolina Rubirosa, cantante, compositora, produtora e creadora cultural de Galicia, ofrecerá un concerto didáctico como peche da programación Museo en Familia 2024.
Información pictograma CIMA / Allure
As actividades terán lugar no Museo das Peregrinacións e de Santiago, agás aquelas nas que se especifica a súa celebración no CHUS.
A recepción dos participantes dos obradoiros realízase na recepción do museo. As actividades desenvolveranse entre as diversas salas expositivas e o espazo denominado «cafetería», no terceiro andar.
A función teatral do día do sábado 12 de outubro, «A Cabaleira», e o concerto do día 30 de novembro, «Músicas peregrinas»; terán lugar no auditorio do museo, planta soto.
As actividades dos días 5 de outubro e 2 de novembro terán lugar na Aula Andrea do Hospital Clínico Universitario de Santiago CHUS. Non permiten inscrición previa, quedan reservadas para os pacientes do centro.
Formulario de inscrición [enviar a reservas.mdperegrinacions [at] xunta.gal (reservas[dot]mdperegrinacions[at]xunta[dot]gal)]
