HORARIO
LOCALIZACIÓNDe Martes a Venres
09.30 - 20.30 h
Sábados
11 - 19.30 h
Domingos e Festivos
10.15 - 14.45 h
Pechado
Todos os luns do ano
1 e 6 de xaneiro
1 de maio
24, 25 e 31 de decembro
Praza das Praterías, 2.
15704 Santiago de Compostela
Durante os meses de setembro a novembro o MDPS pon en marcha a oitava edición do programa Museo en Familia. Unha programación diversa e integradora que busca converter o museo nun espazo de encontro cultural destinado a todos os públicos, con especial atención aos nenos e nenas e á súa contorna familiar.
Estas actividades forman parte do Plan Corresponsables, cuxo obxectivo é contribuír á conciliación familiar e á igualdade efectiva entre homes e mulleres. Esta actividade está impulsada pola Consellería de Cultura, Lingua e Xuventude en colaboración coa Dirección Xeral de Promoción da Igualdade e da Consellería de Política Social e Igualdade, o programa Bibliotecas, Arquivos e Museos Corresponsables, no marco do Plan Corresponsables, financiado polo Ministerio de Igualdad (Gobierno de España).
Nesta edición de Museo en Familia volvemos contar coa colaboración da Fundación Andrea e a colaboración da Fundación Asanog, coas que se levarán a cabo diversos obradoiros no CHUS (Complexo Hospitalario Universitario de Santiago). Estas actividades estarán reservadas para os nenos e nenas alí ingresados e pechadas ao público en xeral. Do mesmo xeito, volvemos contar coa participación da FAXPG (Federación de Asociacións de Personas Xordas de Galicia ) pola que se contará cun intérprete de lingua de signos nos obradoiros sinalados.
O programa Museo en Familia busca abrir unha vía de comunicación, lúdica e didáctica, entre o museo e a cidadanía. As actividades están deseñadas para establecer unha conexión coas temáticas e os fondos artísticos do centro, o que nos permitirá achegar, e facer máis accesible, o patrimonio cultural do MDPS, tan próximo e, ás veces, tan descoñecido.
Cada actividade ten un número máximo de 10 nenos/as inscritos/as. As prazas cubríranse por orde de inscrición, e formarase unha lista de agarda en caso de que a actividade estea completa
As actividades teñen un carácter familiar, e os nenos e nenas poden estar acompañados polos/as adultos/as responsables
Todas as actividades do programa, agás aquelas organizada no CHUS e o concerto do día 29 de novembro, requiren inscrición previa
Para realizar a inscrición é necesario cumplimentar e enviar o formulario ao correo reservas.mdperegrinacions [at] xunta.gal (reservas[dot]mdperegrinacions[at]xunta[dot]gal). A praza non estará asegurada ata recibir un correo de confirmación
Achegádevos a construír con nós un pandeiro!
Información en pictogramas CIMA / Allure
Interpretando o Cosmos para chegar a todas partes... Obradoiro impartido por José Ángel Docobo (Observatorio astronómico de Santiago de Compostela)
Información pictograma CIMA / Allure
Achegamento á orixe do xogo medieval do «Alquerque de 3». Elaboración do taboleiro e das fichas. Realizaranse partidas entre as familias participantes.
Información pictograma CIMA / Allure
Durante esta actividade reconstruiremos cacharros de barro como se fosen quebracabezas en 3D.
Información pictogramas CIMA / Allure
Obradoiro de investigación relacionando as diferentes temáticas do museo. Caderno en man, relacionamos, pintamos, observamos e...descubrimos.
Información pictograma CIMA / Allure
Nesta actividades coñeceremos a evolución da indumentaria dos peregrinos e as peregrinas ao longo da historia.
Información pictograma CIMA / Allure
O obradoiro "Quiro Podo" consiste en facer pegadas das nosas mans e pés en arxila, inspiradas en varias pezas da colección do museo.
Información pictograma CIMA / Allure
Nesta actividade coñeceremos a evolución e as posibilidades de facer son con elementos cotiás.
Información pictograma CIMA / Allure
Presentación da exposición creada cos materiais dos obradoiros. Para poñer o ramo á inauguración haberá un pequeno concerto de Sabela Dacal e Rafa Otero.
Información pictograma CIMA / Allure
As actividades terán lugar no Museo das Peregrinacións e de Santiago, agás aquelas nas que se especifica a súa celebración no CHUS.
A recepción dos participantes dos obradoiros realízase na recepción do museo. As actividades desenvolveranse entre as diversas salas expositivas e o espazo denominado «cafetería», no terceiro andar.
As actividades dos días 4 de outubro e 1 de novembro terán lugar na Aula Andrea do Hospital Clínico Universitario de Santiago CHUS. Non permiten inscrición previa, quedan reservadas para os pacientes do centro.
Para dúbidas e preguntas relacionadas coas actividades e inscrición: difusion.mdperegrinacions [at] xunta.gal (difusion[dot]mdperegrinacions[at]xunta[dot]gal) ou 881 867 322 (de luns a venres de 9 a 14.00 h.)
Para modificacións ou avisos de última hora os día da actividade: 881 867 401
