HORARIO
LOCALIZACIÓNDe Martes a Venres
09.30 - 20.30 h
Sábados
11 - 19.30 h
Domingos e Festivos
10.15 - 14.45 h
Pechado
Todos os luns do ano
1 e 6 de xaneiro
1 de maio
24, 25 e 31 de decembro
Praza das Praterías, 2.
15704 Santiago de Compostela
O Museo das Peregrinacións e de Santiago colabora un ano máis coa organización do curso «A protección do patrimonio histórico e a súa conexión co urbanismo», organizado polo Servizo de Formación Continua do Consello Xeral do Poder Xudicial (CXPX) e ao que asisten xuíces e xuízas de diferentes comunidades autónomas.
Esta sexta edición do curso do CXPX desenvolverase entre os días 2, 3 e 4 de abril de 2025, no auditorio do Museo das Peregrinacións e de Santiago, quen colabora coa organización como sede das xornadas.
O mércores 2 de abril dará comezo a formación técnica coa inauguración da man de D.ª María Dolores Rivera Frade, Presidenta da Sala do contencioso administrativo do Tribunal Superior de Xustiza de Galicia; e D. José López Campos, Conselleiro de Cultura, Lingua e Xuventude da Xunta de Galicia.
Ao longo das tres sesións, os relatores tratarán temas de plena actualidade dirixidos a fomentar a protección do patrimonio. Entre eles, o uso turístico dos espazos patrimoniais e as alternativas sostibles, as últimas restauracións da Catredral compostelá ou a arqueoloxía terrestre e subacuática.
Programa completo das xornadas, aquí.
Máis información en Consello Xeral do Poder Xudicial (CXPX)