Peregrinas ilustradas

Desde o ano 2017, en Compostela Ilustrada realizamos un camiño en ilustracións cun total de quince artistas de distintas disciplinas do debuxo. O resultado global foron máis de 150 obras de seis camiños diferentes.

Na exposición Peregrinas Ilustradas, que presentamos no Museo das Peregrinacións —de novembro 2023 a xaneiro 2024—, amosamos unha selección de 60 destas ilustracións e material gráfico resultante das mesmas. Exhíbense os orixinais de cada camiño xunto ás fotografías deste peregrinar debuxado. Tamén se proxectarán vídeos dos mesmos e mostraremos en vitrinas os libros resultantes de cada unha destas accións, así como obxectos das peregrinacións.

Texto de Gemma Sesar, comisaria do proxecto.

Os camiños e as autoras

Camiña. Camiño
Camiño da Costa: do Porto a Santiago

• Fernanda Lamelas (Lisboa)
• Teresa Ruivo (Lisboa)
• Branca Escrigas (Ferrol)
• Isabell Seidel Ourense

Dous Camiños. Kumano vs Santiago
Realización do Camiño de Inverno e o Camiño Kumano en Xapón

• Catalina Rodríguez Villazón (Villajoyosa)

Camiño do Norte
O camiño e a arquitectura contemporánea: Museo Guggenheim; Centro Botín; Centro Niemeyer; e Cidade da Cultura, CGAC, SGAE, Auditorio de Galicia...

• Pilar Barral (Arzúa)
• Amelia Palacios (Pontevedra)
• Aurora Villaviejas (Sevilla)
• Ana Grasset (Madrid)

Camiño Inglés
De Ferrol/A Coruña a Santiago

• Maru Godás (Barcelona)
• Roísín Curé (Dublín)

Camiño Urbano. Natureza no km cero
Ilustracións de parques e xardíns das entradas dos distintos camiños en Santiago

• Maru Godás Barcelona
• Ana Luisa Frazao (Sao Martinho de Porto)
• Nanda Cabaleiro (Santiago)
• Celia Burgos (Cádiz)

Camiñamos para Parar
Camiño de Inverno

• Rita Sabler (Oregón)