Santiago peregrino

Sobre un fondo neutro escuro, aparece representado, de medio corpo aínda que lixeiramente disposto en tres cuartos, o Apóstolo Santiago, ollando cara o espectador e coa cabeza descuberta circundada por un halo. O bordón sobre o que se apoia e que suxeita coa súa man dereita, no que aparece atado un pano branco, e a esclavina, coas insignias das cunchas e os bordóns cruzados, constitúen os únicos distintivos xacobeos que o identifican.