NESTE MOMENTO ESTAMOS ABERTOSNESTE MOMENTO ESTAMOS PECHADOS
ABERTOPECHADO
HORARIOSHORARIOSHORARIOS
LOCALIZACIÓNLOCALIZACIÓNLOCALIZACIÓN

DÍA DO LIBRO 2024

23 ABRIL 2024: DÍA DO LIBRO NA BIBLIOTECA DO MUSEO DAS PEREGRINACIÓNS E DE SANTIAGO

Bookcrossing (liberación de libros). Comezaremos o día liberando catálogos das exposicións do museo nos arredores da nosa sede de Praterías. A biblioteca do museo, un ano máis, únese no Día do Libro a este cruce de publicacións que organiza Artium, Centro-Museo Vasco de Arte Contemporáneo de Vitoria-Gasteiz, e no que participan máis de medio centenar de museos e centros de arte de Galicia e toda España.

Exposición virtual Lecturas recomendadas. Para celebrar o Día do Libro, nada mellor que ler. Por isto fixemos unha exposición virtual cunha selección de publicacións recomendadas entre as nosas últimas adquisicións que presentamos o día 23 na páxina web e nas redes sociais. 

Presentación do novo centro de interese na biblioteca, Aspectos filosóficos do camiño. A biblioteca organiza pequenas mostras periódicas de publicacións relacionadas con diferentes aspectos da súa temática. Nesta ocasión a materia elixida son os aspectos filosóficos do Camiño e do feito de camiñar, entroncando con tradicións de pensamento que veñen xa da Idade Media [Bibliografía]

Feliz Día do Libro!