HORARIO
LOCALIZACIÓNDe Martes a Venres
09.30 - 20.30 h
Sábados
11 - 19.30 h
Domingos e Festivos
10.15 - 14.45 h
Pechado
Todos os luns do ano
1 e 6 de xaneiro
1 de maio
24, 25 e 31 de decembro
Praza das Praterías, 2.
15704 Santiago de Compostela
O Museo das Peregrinacións e de Santiago, na súa vocación de documentar, difundir e promocionar as diferentes producións artísticas vinculadas ás peregrinacións e ao Camiño de Santiago vén de publicar o catálogo da exposición temporal «Kumbh Mela. O camiño da inmortalidade. Fotografías de Manuel Valcárcel».
Ademais da obra fotográfica, este catálogo inclúe unha serie de textos que contextualizan o proceso artístico de Valcárcel. Destaca a narración do escritor Antón Lopo en «Efecto Hipnótico», unha crónica persoal da súa propia inmersión no Kumbh Mela de Hariduar en 1998, en contraposición á mirada contemporánea de Valcárcel e as súas imaxes.
Ademais das pezas presentes na exposición temporal a obra contén un número maior de fotografías que permiten experimentar o traballo de Valcárcel de principio a fin. Con textos en galego, castelán e inglés, o catálogo é un recurso escrito e visual do Kumbh Mela 2025 baixo a mirada única de Manuel Valcárcel.
A exposición temporal «Kumbh Mela. O camiño da inmortalidade. Fotografías de Manuel Valcárcel» inaugurouse no Museo das Peregrinacións en xullo de 2025. Máis información e fotografías aquí.
O catálogo estará proximamente dispoñible para a venda na Librería Institucional da Xunta de Galicia e na tenda do Museo das Peregrinacións e de Santiago.
