Villafranca destaca como pintor e gravador ao buril, nacido en Alcolea de Calatrava a principios do século XVII e morto cara 1719 (algúns autores din que en 1690). Alumno de Vicenzio Carducho. Abandona case completamente a pintura polo gravado. Realiza un gran número de frontispicios para as obras das ordes relixiosas de Santiago, de Calatrava e de Alcántara. En 1654 foi nomeado gravador de Felipe IV. Obras destacables: o Panteón do Escorial, numerosos retratos do soberano e personaxes célebres. En canto ás súas pinturas pódense citar unha serie de pinturas para as festas na honra da canonización de San Tomás de Villanueva. O Prado conserva del un Retrato de Felipe IV. (Datos biográficos tomados de Bénézit, ver bibliografía).