Monxe bieito e un dos máis afamados e prolíficos doutores da Igrexa. Entre os seus múltiples escritos figura unha información de extraordinaria importancia en relación co feito xacobeo, toda vez que ven ratifica-la tendencia defendida con anterioridade polo "Breviarium apostolorum" (finais do s. VI - principios do s. VII) pero chega a concretar máis aínda a localización bastante exacta do corpo do apóstolo Santiago, arredor dun século antes de se produci-lo descubrimento do seu sepulcro por Teodomiro.

Considérase un adiantado na aplicación dunha metodoloxía científica nos estudos históricos que levou a cabo ao longo da súa vida. Da viaxe que fixo por León, Galicia e Asturias por encargo de Felipe II consérvase unha valiosísima información de primeira man que, para o caso de Santiago de Compostela, adquire unha relevancia especial, pois moitas das xoias artísticas e documentais custodiadas na catedral de Santiago son dadas a coñecer polo autor que, por outra banda, fixo unha recolleita de multitude de obras artísticas para constituír un fondo de primeira magnitude no mosteiro do Escorial.